<<長文慎入>>
終於都要離開工作左10年嘅地方。無錯！其實，我本身正職是一位職業治療助理。呢個月不斷回憶過往工作中嘅人和事，有開心，亦有痛心，但點都好，工作讓我成長，讓我思考人生。
一直喜歡音樂，亦喜歡拆野研究，機遇下接觸到樂器維修，一下子著迷，週圍尋找學習機會，一邊工作，一邊學習，身邊朋友都會俾樂器我去清洗調整，一次機遇下接觸了一位本港管樂維修師（我的恩師）。師傅移民在即，膽粗粗拜師用藝，就係咁，成為了樂器維修職人，密集式嘅學習，令我對管樂維修大開眼界，加上過往金工木工經驗，令我更容易掌握維修技術，短短幾個月已經應付到大部分樂器。及後師傅移民，於是便頂手埋繼續經營，兩份工作真的不容易，高峰時期每天工作19小時，就如返緊兩份全職一樣。不過咁，做到自己喜歡的工作，幾辛苦，都值得。
每次完成一件樂器維修都有很大的滿足感，加上與多間琴行、學校合作，感恩這幾年間老師、指揮、家長、同行們的信任，令我有大量樂器維修經驗。
今日，將進入另一個階段，全職發展一個自己很喜歡的事業。世界大亂，未來雖然有很多不確定，但我仍然會保持初心，做我覺得應該做，要做嘅野。啱好錯好，起碼自己唔會後悔。
用心做好每件樂器，令樂手放心演奏，盡情發揮。推廣管樂保養，讓學生認識，好好愛護自己所擁有的，就係我嘅責任。有興趣我嘅工作日誌，可以Follow我Studio IG，我會分享工作日常，樂器保養小知識，音樂交流等等。
https://www.instagram.com/hkmusicguide/
--------------------------------
☆盡能力救返每一支樂器，令樂手無後顧之憂地放心演奏係我嘅理念☆
